Urtero bezelaxe Lanbidek abian jarri du ekintzaileen proiektu berrien kontsolidaziorako ematen duen diru-laguntza. Duela egun gutxi batzuk iada eskaerak egin daitezke, eta aste honetako artikuluan laguntza honen ezaugarri nagusiak azaldu nahi dizkizuegu.

Nori dago zuzendua?

Enpresaburuak eta banako profesionalak eta ondasun-erkidegoko eta soziatate zibileko kideak.

Betebeharrak

-Euskal Herrian erroldatuta egotea eta bertan bizitzea.

-Aktibitate ekonomikoaren alta, 2023ko urriak 31 ondoren eta subentzio eskaera egin baino lehen egitea. (Gutxienez 10 hilabetez egon beharko da altan diru-laguntza jaso ondoren).

-Autonomo bezela alta egiterako unean, langabezian egotea eta Lanbiden altan egotea lan bilaketa egoeran.

-Ogasuna eta Gizarte Segurantzarekin ez inolako zorrik izatea.

-Diru-laguntza honen funtsa berdina duen beste dirulaguntzarik ez eskatu izana.

Eskaera Epea

2024ko urriaren 31 arte izango da eskaera epea.

Aipagarria gogoratzea, diru-laguntzak eskatu diren dataren arabera joango direla onartzen, beraz, lehenbailehen eskatzea hobe litzake aurrekontu guztia amaitu baino lehen.

Diru-laguntzan sartzen diren gastuak

1. Negoziorako lokalaren alokairua.
2. Asesoria fiskala, laborala, kontabilitate, juridiko eta administratibo gastuak.
3. Hileroko Gizarte Segurantzako autonomo Kuotak.
4. Publizitate gastuak: publizitate kanpainak (FACEBOOK) eta web orrien mantentze/diseinu gastuak.
5. Komunikazioa gastua: Lokalen rotulazioagatiko gastuak. Iluminazioa eta diseinua eta kolokazioa.
6. Ikasketa gastuak. Aktibitate ekonomikorako egiten diren formazio gastuak.

Diru-laguntza epea eta prestazio ekonomikoa

-Pertsona bakoitzarentzako 2.500€ko diru-laguntza izango da. (15% handituko litzake kantitate hori, 30 urte baino gutxiago izateagatik, edota emakumea izateagatik).

-Alokairu, aholkularitza eta autonomo kuoten gastuak, diru-laguntza onartzen duten unetik kontatzen hasita 10 hilabetez egongo lirake subentzionatuta.

-Gainontzeko gastu subentzionagarriak EJZn alta egunetik aurrera sortu eta ordaindutakoak, 10 hilabeteko epera arte, dirulaguntza baiesteko ebazpena jakinarazi eta hurrengo egunetik aurrera zenbatuta..      

 

Ondorengo estekan subentzioaren oinarriak atxikitzen dizkizuegu: https://www.euskadi.eus/diru_laguntza/2024/apec-2024/web01-tramite/eu/

 

Gipuzkoautonomo aholkularitzatik halako diru-laguntza eskatze zerbitzua eskeintzen degu eta tramite guztiak gure gain utzi. Tarifa 60€+IVA izango litzake eskaera egiteagatik eta onartu ondorengo justifikazioa egiterakoan beste 60€+IVA.